ചുവപ്പ്

സ്വാര്‍ത്ഥകോമരങ്ങള്‍ വാളെടുത്തു;
പലവര്‍ണക്കൊടികളില്‍ രക്തം പൊടിഞ്ഞു;
കാവിയിലും പച്ചയിലും ചുവപ്പ് പടര്‍ന്നു;
പെണ്ണും പൊന്നും ചുവപ്പില്‍ മുങ്ങി;
ദുഷിച്ച ഹൃദയങ്ങള്‍ ചോര വാര്‍ത്തു;
ദ്രവിച്ച തലച്ചോറുകള്‍ പിളര്‍ന്ന് ചോരചിന്തി;
ജലചക്രം രക്തവ്യൂഹത്തില്‍പ്പെട്ടുഴറി;
ബാഷ്പീകരിച്ചതും സാന്ദ്രീകരിച്ചതും
രൂക്ഷഗന്ധം പരത്തിയ ചുവപ്പ്;
തുടുക്കെ പെയ്തത് രുധിരമഴ;
ഒഴുകുന്നു വീണ്ടും ചോരപ്പുഴകള്‍; 

അലയടിക്കുന്നു വീണ്ടും രക്തക്കടല്‍.